رواية الحظ المنسدح ............ رواية فكاهية ورومانسية الموضوع الثالث

09/02/11, 02:10 am

الجزء (10)
انا: داخله الغرفه بنات بقول لكم شي
نوره: شنو
انا: وليد داق
البندري: أي شيبي
انا: مدري عنه زفيته
نوره: تحط ايدها على قلبها امبيه من صجك وليد ينزف
انا: وقليت ادبي عليه وهذي ثاني مره بعد
البندري: ياعمري اغسلي ايدك ياخذك
انا: وامسك ايد البندري : لا تقولين تكفين
البندري: عقب التمحيص والتقحيص شيبي فيك وعنده بنات عم مو طبيعيات زين ودلال وفلوس ونسب ومناصب كلهن دكتورات ومهندسات ومدرسات ويجي ياخذك انتي اللي فاشله دراسيا
انا: بس ابوي نسيبه
نوره: تدرون منو راح ياخذ
انا: منو
نوره: تذكرون اللي كانت لابسه بيج بسود اللي حاطه ورد بشعرها بعرس هنوده
انا: امممممم تقصدين ريما يماا المزيونه
نوره: هي اسمها ريما أي هذي بنت عمه وصغيره وجسمها جنان ودلوعه وابوها عنده محلات وشغل
انا: انتو كل اللي همكم الفلوس
نوره: على فكره مو حنا اللي همنا هذا هم اللي همهم لانهم ناس فوق فوق
انا: شب انتم كلكم خلتوني اكرهه
البندري: لا حنا بس نرجعك لارض الواقع
انا: من زينه ربي يرزقني احسن منه
نوره: امين وانا وياك ..؟..
البندري: ماقلت لكم خالتي ربحت كمبيوتر
انا: قولي والله
نوره: انا بشرتها وقالت لك الكمبيوتر
انا: شعندها بتعطيك اياه
نوره: تقول عندها واحد توها شاريته وتقول ماتحتاجه وقالت اخذيه
انا: ونااااسه ونااسه بنشبك واااااو
نوره: اذا فكرت اعطيك ايااه ..
انا : يما يانحاستكم نحيساات ..؟..

مرت الايام وقربت الدراسه ورجعت اختنا هنوده من السفر وقامت تهذري لنا باللي شافته
وان زوجها ماقصر معاها كل شي تبيه جابه لها
المهم رحت للسوق انا ونوره والبندري نشتري للبندري وهنوده اغراض الدراسه
طبعا هنوده موصيتنا لازم نشتري لها كل شي على فله وازعجتنا ..؟..
المهم ..
انا: يؤؤؤ تعب مو شرينا كل شي خلاص خلونا نرتاح ..؟..
نوره: وانا حسبالكم جايه عشان اغراضهم المدرسه جايه اشتري لي بدل
انا: انا تعبت بقعد هني بالكفي
البندري: وانا تعبت روحي انتي
نوره: احسن شوفوا انا بالمحلات هذي اللي قدام ان بغيتو شي تعالو لي
انا: اوكي المهم عطينا فلوس بنطلب كفي
نوره: اوكي هاك وانا بروح اطلبي لي موكا انزين
انا: اوكي باي
قعدت انا والبندري نسولف ونشرب الكفي اللي طالبنه
انا طلبت كافي لاتيه والبندري موكا ايس البارد
ونوره موكا
البندري: شوقه شواقه شوفي شوفي مو هذي سارا اخت شيخه مرت ابوك
انا: والتفت : أي والله معاها وليد شكلهم بروحهم
البندري: أي هي قالت لي ان وليد يشتري لها كل شي يعني يتسوق معاها وكذا تقول مالي غيره خواتها وتزوجوا ومنشغلات ان وليد صاير لها ام وتصدقين سفرها السنه هذي ديزني لاند اللي بفرنسا
انا: أي ماشالله محظوظه الاخت لا تطالعينهم فشله معاها وليد

وليد : بسك خلاص شريتي كل السوق
سارا . بدلع: وليد شنو شريت ولا صرت بخيل علي اللحين
وليد: وانا اقدر ابخل عليك بس تعبت على الاقل خلينا نقعد وبعدين نكمل
سارا: اوكي اخر محل
وليد: ويضحك : اوكي اخر محل
وراحو للمحل وعقبها راحو قعدوا بالكفي ..؟..
وليد: وهو يقعد . اووف شتبين يا بت
سارا: امممممممم على كيفك
وليد: اوكي باسب كم وطلب له هو موكا فليك ولاخته فانليا ايس
سارا: ولوده اخوي طالع طالع هذي مو البندري بنت زوج شيخه
وليد: ويلتفت . أي والله .. وابتسم ابتسامه ساحره..
سارا: بروح اسلم عليهم
وليد: ويبتسم روحي احد ماسكك
وقامت سارا تسلم عليهم
وهو قام قعد بالكرسي اللي يقابلهم عشان يشوف شوق

سارا: هاي بنات ..
البندري: هلا وغلا اشوف السوق منور
سارا: ههههه نورك ياقلبي
شوق: ليش الخوات كهربا اجل انا ماي شوفتي اتطفي نار العطشان
سارا: وتطق شوق على كتفها : ههههههههه والله رقله
شوق: شخبارك تعالي اقعدي ليش واقفه
سارا: لا مقدر اقعد وليد بروحه جالس هناك .. وقامت تأشر
اللتفت انا والبندري .. نطالعه لما شافنا عطانا ذيك الابتسامه الساحره وقام لنا يمشي
وليد: شخباركم بنات
البندري: بخير
وليد: ويطالع شوق: وانتي شخبارك << وحاط ايده بمخباته
شوق: ومنزله راسه بالارض : ازقح
وليد: هههههههههههههههههههههه دوم تزقحين
سارا: البنات يبوني اقعد عندهم عادي
وليد: أي عادي بس لك ربع ساعه لاني تأخرت وراي عشاء عند ربعي
شوق: خلاص حنا ننزلك عند بيتكم
وليد: جايين مع منو
البندري: مع نوره هي تسوق
وليد: اهاا شرايك ياقمر تقعدين
سارا: طبعا بعد رضاك
وليد: اوكي كيفك المهم فرصه سعيده اني شفتكم ومع السلامه ويوم كان بيروح قرب عند اذن شوق وقال : نزلي الشيله على عيونك لاني اغار عيونك تفتن
شوق: طالعته وهي مصدومه ونزلت الشيله على عيونها وسنعت نقابها
وليد: أي كذا احلى بواجد
وراح وليد دفع حسابه وحساب البنات وطبعا انا رحت بوادي ثاني ماني معاهم
البندري: هههههههههه من صجك سارا
سارا: ههههه أي والله الا شواقه وين وصلتي
شوق: وتنتبه : هااه معاكم الا صج ليش ماتجين بيتنا اليوم تعشين نسهر ونلعب وناسه
سارا: امممم اخاف اضايقكم
البندري: ليش بالعكس والله راح تستانسين
سارا: امم اوكي
جت نوره وشربت كافي مالها وراحو توكلوا على الله راحو بيتهم ..؟..
قعدوا ضحك وعبط وناسه وقاموا بعدها سوو عشا وكانت ساره معاهم حست بوناسه موطبعيه
اول مره تحس بوناسه كذا تعودت دايمه على المجاملات ولا عمرها دخلت المطبخ بحياتها وحست انها سوت انجاز مو طبيعي وكان ودها لو يكونون خواتها وتعيش معاهم طول العمر.؟.

وعقبها مرها وليد وراحت بيتهم وقعدت مدة اسبوع تهذري بالبنات وبالوناسه اللي شافتها
معاهم وضحكهم وشلون عادي طايحه الميانه مع امهم وجدتهم
وانها لو شنو ماكانت تقدر تتكلم مع خواتها كذا يمكن يذبحونها ..
وليد: اجل تقولين استانستي معاهم ..؟..
سارا: يما وناسه مو طبيعيه
وليد: ودك لو يعيشون معاك
سارا: لا انا اعيش معاهم لان بيتنا كبير واحس كل واحد فينا ضايع يعني فاضي علينا بس انا وياك .....عكسهم هم بيتهم صغير وكلهم مجتمعين على بعض
وليد: اهااا اوكي خلاص
سارا: خلاص شنو
وليد: بخلي وحده فيهم تعيش معاك
سارا: شلون
وليد: يعني بتزوج منهم
سارا: وتصفق وااااو قول والله اكيد نوره
وليد: لالالالا شوق شرايك فيها
سارا: واستانست اكثر : شواااااقه وناااااااااسه تدري انها تجنن تسوي بنات العالم كلهم
وليد: بس على الله توافقك علي
سارا: لا انشالله توافق شناقصك انت
وليد: بس مو صغيره علي
سارا: عادي الصغيره تكبر .؟.
وليد: بعرف منين تجيبين هالكلام
سارا: من الناس بعد من وين
وليد: المهم وصلنا يالله روحي البيت
سارا: انشالله منت نازل
وليد: عندي مشوار بسرعه وراجع
سارا: اوكي لاتطول باي

................................
البندري: شرايك بسارا مو تجنن
انا: امبلا حبوبه وعلى نياتها ماعنده تكبر
البندري: أي والله بعد مو متكبره وشكلها اليوم استانست صح
انا: أي والله حرام تكسر الخاطر خلاص صيري رفيقتها وخليها تجينا عشان تقول انها تحس بالوحده وانها فاقده امها وابوها كسرت خاطري
نوره: وتنغزني عشان كسرت خاطرك ولا عشان الحبيب هههههههههه
انا: وجع انشالله ماعندي هالسوالف
البندري: باين الا صج شقالك وليد يوم قرب منك
انا: يماا قالي شي خيالي بغيت اموووووت اليوم
نوره: شقال <<< بستغراب
انا: وامسك ايد نوره : قال لي غطي عيونك تراني اغار عيونك تفتن
نوره والبندري: وووااااااااااااااااااااااااو يابختك
انا: يما وتلموني لا حبيته يجنن
نوره: انزين لو جاك خبر زواجه شتسوين
انا: بعرف ليش انتي تنقصين الفرحه علي

............................
بعد يومين وليد عند اخته شيخه ..

وليد: انزين ليش لا ممكن اعرف السبب
شيخه: لا يعني لا هذا اخر شي عندي
وليد: احلمي ريما اخذها وغير شوق ما اخذ وان بغيت اتزوج لاني راد عليك ولا على اكبر راس تفهمين واصلن انا ماهمني رايك قلت لك بس عشان تحظرين العرس
لا اكثر
شيخه: ما تاخذها وانا عايشه
وليد: لا باخذها وغصبن عنك
شيخه: والله ماتاخذها اقعد براس ابوها واقول لا تزوجه واطلع عيوب الدنيا فيك
وليد: ابوها ماله شور عليها ولا هميتيني وراح تدخل بيتي معززه مكرمه وزوجتي بعد
وتحترمينها غصبن عن خشمك ولا كلمه زياده
شيخه: وريما وريما نخسرها وبدت تبكي
وليد: ريما علنتانه شكو انا ربي يرزقها نصيبها مو معاي
شيخه: لا معااك البنت تحبك
وليد: وانا ماحبها ولعلمك ان تزوجت ريما ثقي تماما راح يكون اخر يوم فرح لها بالحياة وراح تبدي معاي ايام الحزن والهم لين اخليها تدعي عليك
شيخه: روح تزوجها انا ماني راضيه عليك
وليد: لا ترضين
شيخه: ولا اخليك تتهنى
وليد: لا بتهنى غصب عنك مع السلامه وطلع
شيخه: وطاحت على الارض وقامت تبكي من القهر
وليد : طلع من البيت معصب وراح للبحر وجلس قدام البحر وطرش لمتعب رساله تعال ابيك انا في البحر
متعب: وتوه يصفط سيارته : وليدوه شفيك
وليد: ويطالعه بحزن: تهاوشت مع شيخه
متعب: افا ليش
وليد: قلت لها بتزوج
متعب: اوووه سويتها ياوليد
وليد: هههه أي وقالت ماتزوج ماتاخذ غير ريما
متعب: من قدك احد عايف ريما العيال كلهم ميتين عليها
وليد: عاد انا هالانسانه مادانيها ولا احبها ولا راح اخذها
متعب: انزين الاخ رافض ريما تبي منو
وليد: ويطالعه ابي شوق
متعب: شوق بنت عمي
وليد: ايه
متعب: من صجك تخلي ريما وتاخذ شوقوه الورعه الرقله
وليد: احبها
متعب : ويقعد جنبه : يقطع الحب وسنينه اللي يخلي وليد يحب شوقوه الرقله
وليد:عن الغلط ماحب احد يغلط عليها
متعب: عاد والله انها تنحب نفسها حلوه ونكته ولا همها احد وعايشه يومها تصدق ماتزعل نفس خواتها راضيه بواقعها .
وليد: ويضحك : اه اه بس تصدق اموووت لا تخيلت احد غيري ياخذها امس حلمت انها تزوجت وبغيت انهبل رحت كلمت شيخه اليوم عشان اللحق عليها .؟.
متعب: شنو تلحق عليها ليش الكميه محدوده
وليد: وانت الصاج اخر قطعه
متعب: شاكلام قاعدين بسوق حنا
وليد: بالله انا غلطان اذا حبيت وبغيت اتزوج اللي احبها
متعب: لا واللحين شنو بتسوي
وليد: بكره بروح اكلم ابوها
متعب: وتوقع شيخه بتسكت
وليد: لا بس انا اعرف شلون اقنعه
متعب: زين اوكي شرايك نتعشى لاني توني قايم من النوم ومو ماكل شي
وليد: لك نفس تاكل
متعب: ليش انا اللي حاب ولا انت
وليد: لا انا اوكي روح جيب لنا عشا وخلنا ناكل قدام البحر
متعب: ناسي بوكي عطني بوكك
وليد: وانت كله فقران اوكي تلقاه بدرج السياره
وعقبها راح متعب جاب عشا وقاموا يتعشون قدام البحر
وليد: تذكر متعب يوم كنا صغار
متعب: لا ما اذكر
وليد: يوم كنت تقول لي اني انا وياك راح نتزوج بيوم واحد
متعب: ويضحك : عانيك تقولها يوم كنا صغار كلام الامس يمحوه النهار
وليد: انزين ليش ماتخطب ونتزوج بيوم واحد يعني من صغرنا انا وياك مدرسه وحده تخرجنا مع بعض دخلنا تخصص واحد توظفنا بشركه وحده حالنا من حال بعض
ناقص نتزوج مع بعض
متعب: انا اللي ابها راحت .
وليد: الله عليك لالحين مانسيتها انت
متعب: في احد ينسى قلبه
وليد: والله منت صاحي تحب وحده تطلع بالاخير اختك من الرضاع
متعب: ياخي شسوي نحس من يومي مدري ليش امي هالبنت بالذات رضعتها قلو بنات اختها
وليد: خخخخخخخخخخخخخخخخخخخ
متعب: يالله شنسوي ده قسمي وده نصيبي
وليد: على قولتك
متعب: وليد والله هالشوق غيرتك صرت رومنسي قبل كلامك كله مروح
ياتسب ياتلعن هلحين ابي كلمه وحده سب ماكو
وليد: هههههههههههههههههه أي والله تغيرنا عاد تصدق ماتوقعت اني احب وحده
وافكر اتزوجها الا شوق من شفتها اول مره وهي تدخل قلبي لا رقالتها وهي كانت تتزحلق
على الرخاام هههههه ولا يوم تكلمني على بالها اني اجنبي
ولا كل مادقيت عليها بختبرها اشوف تعطيني وجهه بس كانت تزفني
متعب: الله يهنيك يارب ويسر لك امرك
وليد: امين .. ويطالع بالساعه مو كنه تأخرنا
متعب: أي والله ماخذ سيارة سعد واللحين بيذبحني
وراحوا الشباب كل واحد بيته
++++++++++++++++++++++++++++++++++++
الجزء (11 )

انا: يخطبني انا انا
امي: أي انتي وليد اسم الله عليه يمدحون فيه الرياجيل اخلاق وطيب وكرم ودين
ونسب وشتبين غير كذا
انا.. بقلبي .. والله لو انه صايع موافقه : كيفك يما الشور شورك
امي: لا هذاك قبل الام لها كلمه اللحين البنات لهم شور المهم انتي روحي استخيري
وصلي ركعتين وادعي ربك وبتركك تفكرين وبعدها تعالي وقولي لي رايك
انا: انشالله يماا<<< قلتها وانا مستحيه لاول مره
طلعت امي من الغرفه وقعدت مصدومه اخيرا اخيرا وليد جاء وخطبني
ماكنت مصدقه حسيت نفسي احلم
دخلت البندري تضحك: هاااه امي شتبي فيك
انا.. واطالعها مصدومه : هاااه مدري
نوره: بسم الله شفيك
انا: ماتصدقون بناات
البندري: يوما صاير شي
انا: انخطبت
الكل: هههههههههههههههههههههههههه
نوره: وهذا شي يخليك تنصدمين
انا: بس لو تعرفون منو اللي خطبني
البندري: منو ياستى
انا: و و وليد
الكل: انصدم وقاموا يطالعون بعض وعقبها اختي البندري
قامت تحظني حيل مبرروووووووك
ونوره استانست لي حيل : المفروض تفرحين
انا: بس خايف جاني خوف مو طبيعي
البندري: قلبي روحي استخيري وفكري عدل وسوي جدول وخططي وبعدين عطي امي الاجابه
نوره: اكيد بتخافين كل البنات مرو بنفس تجربتك
انا: بس .
نوره: بس شنو ماتبينه اذا ماتبينه ارفضيه وعطينيااه
انا:لا ابيه بس مرت ابوي
البندري: وشفيها
انا: تقول امي حست من نظراتها ماتبي تخطب بس انجبرت
نوره: وانتي بتاخذين شيخوه ولا وليد
انا: بس خايفه بنت الحلال تدمر بيتي
البندري: قلبي اتكلي على الله وانتي من يقدر عليك
الكل: هههههههههههههههههههههههههههههه
وبعدها رحت صليت صلاة الاستخاره وحسيت براحه مو طبيعيه وقلت لأمي الموافقه
وتمت الملكه وحددوا موعد الزواج بعد 6 اشهر ..
عشان يضبط وليد البيت وعشان اقدر اجهز لي اغراضي ..؟.؟..
البنات متجمعات في بيتنا مسويات حفله لي كيك وحلويات وفطاير وعصاير وعشاء
البندري: هبي بيرثدي تو يو
انا: اصقعها .. فاهمه غلط الاخت
البندري: خلاص عاشو عاشو بنفتك من شوقه
انا: على قلبك موتي
هنوده: من يصدق شوقه وتتزوج
انا: اجل حاطه ببالك بعنس طول العمر
خالتي عنود: يؤؤؤؤ الله يعينك على الغثاا
انا: يؤؤ جتني المتشائمه من عازمها هذي
الكل: هههههههههههههههههههههههههههههههههههههههه
وعقبها جلسنا نسولف ونضحك وانبسطناا ..؟..
مرت هالاشهر بسرعه البرق وكل يوم يمر يزيد خوفي وارتباكي
قبل العرس بشهرين الوالد توفى
فقرر وليد انه ما يسوي عرس بس عشه بسيط يعزم فيه ربعه وتدخل العروس
لا طق ولا شي بحكم ابوي توفى واخته الكبيره في الاحداد
ورفض انه يأجل العرس لانه يقول خلاص مافيه صبر

موعد الحفله :
االصالونه جايه بالبيت تحط لي مكياج خواتي لبسو بدال بسيطه عشان مايكدروني لانه
يوم عرس مو عزاا
وامي سوت لي حفله بالبيت عزمت رفيقاتها وجاراتنا من غير رقص
دخلت غرفة الاسقبال وجلست فيها جوني الحريم سلمو علي وباركوا لي قامو خواتي يغنون ويقصدون والبنات يرقصون عشاان ما اتكدر ..؟...

وعقبها قالو ان المعرس بيدخل
هنا جاني شعور مايوصف
مدري شنو اقول لكم
المهم
دخل المعرس للصاله اللي كنت قاعده فيها وماكان فيها احد غيري انا وخواتي ووضحه رفيجتي
وامي امسكته وقعدته جنبي
وانا طبعا دخت راسي عورني وصدعت مدري ليش
هو حياء هو من جماله هو خبال مدري رقاله
ابتسم المعرس وقام يطالعني : مبروك شوق
انا: ساكته.. ومنزله راسي بالارض << كني عجوز حدبه
امي: شوق شفيك وليد يكلمك ردي عليه
انا: هاااه .. ونزلت راسي
وليد: ويضحك: خليها مستحيه هي
امي: بالمبارك وليد ماوصيك حط بالك على الغاليه شوق
وليد: لا توصين حريص شوق بعيوني.. ويلتفت يطالعني
وقاموا كل خواتي تبارك له وتطلع
لما جت وضحه: وكرشها متر قدامها : بالمبارك يامعاريس شوف وليد بوصيك
انا اعرف شوق رقله وبايعتها ومامن وراها رجااء
انا: وارفع راسي واطالعها .. ايه وبعد
وليد: ههههههههههههههههههههههههههه
وضحه: بس استحملها تراها طيبه وحبوبه واللي بقلبها على لسانها وماتمتلك اعصابها
يعني مره تشوفها ماسكه نجر تلحقك ترى عادي تصرف طبيعي لا تخاف بس انحاش
انا: يكون مادحتني
وليد: هههههههههههههه ماتوصين حريص.... ويلتفت يطالعني
وضحه: يالله مع السلامه باكر اكلمك شوقه ابراهيم زوجي حرقني من كثر مايتصل
وقامت حبتني وطلعت ..؟...
المصوره: هااه نوقف عشان نصور ياعروسه
امي: شوق تبين تصورك
انا: وأشر لا مابي ..
مصوره: يالله باقي عشرة صور
انا: بس مابي تعبت
وليد: خلاص مو لازم
امي: خلاص روحي داخل شوفي منو يبي يصور وصوريه
وليد: هاه خالتي مشينا
امي: محد يقدر يردك اللحين خلاص البنت زوجتك أللحين
وليد: يالله ومسك ايدي
انا: حسيت برتباك مو طبيعي وفجأه جتني رجفه موطبيعيه من مسك ايدي
وهو حس علي وترك ايدي
لبسوني خواتي الرداء وتوجهنا للسياره اللي جاي عليها وليد وطبعا قاموا خواتي يغنون
<<< عروسنا زينن نحطها على الباس ...
لو منت غالي عندهم ما عطوها ...
امانتك ياوليد حطها على الراس>>>>
.........................
<<<< رشو الصاله بورد ودهن عود؟؟
وارقصو قدامها وغنوا لها..
جت تخطي كنها قايد قيود؟؟
قايد الغزلان ماحلا نورها..>>>>
وعقبها ركبنا السياره ..؟..

انا وليد كنا في الخلف واللي يسوق فينا متعب وجنبه امي
ورحنا للبيت وليد
اول مادخلت البيت انبهرت فيه كان خيال خيال يعني شلال على صوب ونافوره مدري وينها
وحوض سمك كبر البيت والصالات شكبرهاا<< هذا وانا مستحيه لو مو مستحيه كان علووم
وبعدها صعدنا للجناح اللي انا راح اسكن فيه
دخلوني للصاله وسلمو اهلي علي وبعدها راحوا ومابقى بالجناح غيري انا وليد
اختفى وليد مدة عشر دقايق وبعدها دخل للصاله ..
اول مادخل: طاحت عيني بعينه وبعدها نزلت عيني بالارض
وليد: انا اشوف الغرفه منوره اجل انتي هني
انا: بقلبي .. ياشين الاستعباط لا هناك احسن
وليد: ليش ماتبدلين ملابسك قلبي
انا: انشالله
وليد: اوكي تعرفين وين الغرفه
انا: بقلبي : بذمتك شايفني كل يوم هني بعرف وين الغرفه .. لا
وليد: امشي معاي اوريك وينها
انا : وقفت ومشيت معاه مسكني من ايدي وقام يمشيني معاه وانا بعالم ثاني كان يتكلم طول الطريق وانا مدري شنو يقول
وليد: تفضلي
انا: هااه
وليد: شكلك مو معاي تفضلي للغرفه بدلي ملابسك
انا: انشالله
دخلت الغرفه وبدلت ملابسي ومسحت مكياجي وفكيت شعري على طوله
كانت تسريحتي جدا بسيطه نص شعري مبطلته وشويه رافعته وكلش ماحطيت سابريه على شعري
المهم رفعت نص شعري من ورى وحطيت كماشه صغيره ورده والباقي مبطل
ولبست قميص ابيض عاري من الكموم وفوقه وشاح سكري عليه حركات بسيطه
نمنم وترتر وحطيت مكياج خفيف كحل وقلس وماسكرا
وطلعت رحت للصاله اللي كنت جالسه فيهاا ..؟..
اول مادخلت كان وليد معطيني ظهره واقف وبيده ريموت يقلب بالقنوات اللتفت وشافني
طفى التلفزيون وقام يطالعني ويبتسم ..؟..
لما يبتسم وليد احس اني ودي اموت ابتسامه شي خيالي مو طبيعي ..؟..
المهم.

وليد: حياك ياعروس تفضلي
انا: ابتسمت وجلست
قام وجلس بجنبي وعطاني صحن كيك وحط العصير قدامي
اللي خلاني اضحك بقلبي وابتسم كانت ايده ترجف لما قدم لي العصير ..؟..
طالعته وقمت ابتسم وفيني الضحكه : مشكور
وليد: يالله اليوم بنمشيها لك نخدمك لانك عروس بس من باجر ابيك تسوين لي الغدا
انا: ماعرف اطبخ
وليد: يعني شنو بنقضيها مطاعم ولاشنو
انا: امممم ماعندكم خدامه
وليد: امبلا بس ما احب اكل من ايدها
انا: الله يعينك
وليد: رافع حاجب ومنزل الثاني : ليش
انا: لانك بتاكل من ايدها.؟.
وليد:هههههههههههههههههههههه
انزين ليش ماتاكلين الكيك
انا: وانزل الصحن : مو مشتهيه
وليد: اوكي شوق
انا: نعم
وليد: حياتي وين حابه نسافر بعد بكره
انا: اللي يريحك
وليد: اممممممم اللي يريحني ودك بأوربا
انا: وكشرت : كيفك
وليد: ليش ماتحبين اوربا
انا: لا دول الاجانب ما احب اروح لها
وليد: اوكي تبين دول عربيه
انا: يكون احسن
وليد: اهاا شرايك بمصر ولا دبي
انا: دبي يمدحونها
وليد: خلاص دبي دبي
+++++++++++++++++++++++++++++++++++++++++++
الجزء (12)
انا: وليد وليد قوم وليد
وليد.. وهو نعسان : هاه شفيك
انا: الباب من اليوم يطق روح شوف منو
وليد.. ويقط اللحاف اللي عليه ويروح يشوف منو
انا رحت للحمام اتسبح ..؟..
وليد يفتح الباب وهو لابس روب : نعم
وتطلع بوجهه الخدامه : فطور
وليد: احد قال لك نبي فطور
خدامه: لا بس ماما سارا قالت ودي فطور
وليد: ويتثاوب .. اه اه الساعه كم
خدامه: 10 بابا
وليد: حطي الفطور بالصاله وتوكلي على الله ..
حطت الفطور بالصاله وراحت ..؟
وليد: شوق شواقه
انا..بالحمام : نعم
وليد: وينك
انا: اتسبح
وليد: اوكي الفطور بالصاله لا خلصتي تعالي
انا: انزين
راح وليد للصاله وجلس بالكنبه وحط راسه ونام ..؟..
عقب ماتسبحت لبست لي قميص ازرق وفوقه روب ورلفيت شعري بفوطه ورحت للصاله
كان وليد نايم على الكنبه شكله تعبان حيل يكسر الخاطر حتى نزلت مني دمعه بس تداركت الوضع وشفطتها ..
جلست على الكنبه اللي قباله وقمت اطالع فيه وفجأه ولا يفتح عينه وانا سرحانه بوجهه
انا تخرعت وقمت اتلفت يمين ويسار
وليد: هههههههههههههههههههه شفيك
انا: ولا شي ماتبي فطور
وليد: ويقوم ما احب افطر هالساعه بس ابي حليب
انا: ولا انا
وليد: ماتبينه حطيه بالمطبخ
انا: انشالله تبي اسوي لك حليب
وليد: هاااه لا سوي شاي
انا: انشالله
وليد: لا تعالي لا تسوين انا اتصل اللحين بميري وهي تسوي
انا: على راحتك
ورحت للغرفه انشف شعري
ودخل وليد راح يتسبح
بدلت ملابسي ولبست دراعه برتقاليه وحطيت مكياج جدا ناعم وفتحت شعري كله
طلع وليد من الحمام : الله الله شالزين
انا: ونزلت راسي مستحيه: مشكور
وليد: ويمسكني: بعرف لي متى بتستحين ..
انا: .............
وليد: يالله اليوم بعد بمشيها لك بس من بكره ان ماطاح الحطب انا اعرف شلون اطيحه
انا: بتنزل اللحين وليد تحت عند سارا
وليد: أي بتنزلين معاي
انا: ايه بنزل
وليد: اوكي بس أبدل ملابسي
وعقب مالبس وليد نزلت انا وياه ورحنا عند سارا اللي كانت جالسه في الصاله وتطالع التلفزيون يوم شافتنا استانست
وليد: سارونه وينها هاجر
سارا: اللحين بتجي كاهي بالطريق
وماكملوا كلمتهم الا وهاجر داخله علينا ..
هاجر: ماشالله ماشالله العروس هني اخيرا نور بيتنا
وليد: نوري اكيد
هاجر: وع انت منور البيت لا نور شوق هذا
انا: وابتسم : الله يسلمك .. واطالع وليد بنظره يعني حره
وليد: ويطالعني .. هين شوق تضحكين علي هاااه
سارا: بتسافرون وليد
وليد: أي بنسافر باجر
سارا: ومتى ترجعون
وليد: ويطالع شوق : لا ملت العروس
هاجر: وين قررتوا تسافرون
وليد: دبي
سارا: دبي ليش ماتروحون اوربا اونس واحلى
وليد: المدام ماتحب اوربا
سارا: اهاا
وتمينا نسولف ونضحك ونكت طبعا انا قمت اسولف ونسيت اني عروس وجلستنا قلبت ضحك على وليد وطنازه
ولما جاء وقت الغدا تغدينا كلنا مع بعض ورحنا العصر كلنا بيت شيخه اخت وليد
استقبلتنا احسن استقبال ورحبت فينا واستانست يوم شافتني مدري هي تندمت على رفضها لي مدري عقب وفاة ابوي انقلب حالها ..؟..
سارا قالت بتنام عندها عشان باجر بنسافر والبيت مافيه احد ..؟..
ورحنا حنا كملنا طريقنا انا وليد ..
الله شعور حلو لما الوحده تركب قدام خاصه مع رجالها لا يوصف قمت اتلفت اطالع يمين ويسار..؟..
وليد: هههههههههه شفيك
انا: وناسه راكبه قدام
وليد: اجل ارجعي ورى
انا: واتخصر لا والله
وليد: ويقلدني : أي والله
انا: بعرف ليش تنقص علي وناستي
وليد: بس ما احبك مستانسه
انا: يما بدينا من اللحين تونا ماصار لنا يوم بدا المناحس
وليد: هههههههههههههههههههههههههههههههههههههههههههههههههه
انا: والله قالت لي خالتي وماصدقتها
وليد: انزين شرايك نتعشى بمطعم
انا: لا شبعانه
وليد: وانا جوعان
انا: توك ماكل
وليد: كيفي
انا: بعدين تطلع لك كرشه
وليد: احسن يقلون اللي له كرشه باين عليه الخير
انا: اجل بناديك من اللحين ابو كريشه
وليد: هههههههههههههههههههههه عيب عيب عروس استحي اللي مثلك ماتكلم الا بعد شهر
انا: وطاح وجهي: وسكت
وليد: ههههههههههه ياحليك خاس وجهك كركركركك
انا: واطقه بيده : وجع
وليد: ويطالع ايده : قدها قدها
انا: قدها وقدودها
وليد: لا خلاص طنيت
انا : ههههههههههههههههههههههههههههههههههه
وليد: هاه وصلنا البيت يالله انزلني
انا: بتروح مكان
وليد: لا بس بجيب عشاء واجي
انا: انزين ليش ماتطلب من المطعم وهم يجيبون
وليد: لان مطعمي اللي ابيه ما يوصل
انا: كيفك لا تأخر البيت مافيه احد
وليد: حاظر عمتي
وراح وليد يجيب العشاء رحت انا بدلت ملابسي ولبست بجامه حلوه
وسويت شعري ذيل حصان
واتصلت بخواتي في البيت
نوره: الو
انا: الو
نوره: من معاي
انا: احم احم العروس
نوره: وبصوت عالي: شووووووووووووووق يالحماره صوتك تغير
انا: لا تغير ولا قالها الله بس تهيأأت
نوره: شمسويه وشلونك
انا: بخير الحمد لله
نوره: هاك امي تبيك
امي: هلا شواقه شلونكم
انا: لوني افتح منك بشوي
امي: ههههههههه لالحينك خبله اعقلي اعقلي لا ياخذ عليك رجالك
انا: يخسي ياخذ علي والله لقطعه حته حته
امي: هههههههه هااه متى بتجينا انشالله
انا: خخخخخخخ امداكم تشتاقون لي انشالله ابي اجي باجر اسلم عليكم
قبل ما اسافر أي يماا بنسافر لدبي
امي: ماشالله يالله اجل مع السلامه روحي لرجالك
انا: اوكي مامي مع السلامه
سكرت التلفون وقمت اخذ لي جوله بالبيت وادخل من غرفه لي غرفه
لين دخلت غرفة وليد
انا بقلبي: الله والله ذويق ولودي وقمت اتصحف رف الكتب اللي بغرفته
كان في كتاب تحت مخدته اخذت الكتاب وانسدحت على السرير وقمت
اصحف الكتاب بشكل سريع ولا تطيح عيني على صوره
تتوقعون من صورته

صورتي انا وسارا اخته بحفله ابوي الله يرحمه

الله كان شعور جميل جميل بس ماكتمل الشعور
الا وليد داخل علي..؟..
وليد: الحلوه بغرفتي شكلها عجبتك
انا: أي بنام فيها اليوم
وليد : وجه عابس : وانا من ينام معااي
انا: نام بروحك
وليد: لا اخااااف
انا: وارتب على كتفه : سم بسم الله الجنون تخاف منك مو انت تخاف منها
وليد : ويمسكني بيدي : هههههههههههه اوكي العشاا جاهز تحت حطيه بالسفره
انا: انزين انت جبت العشاا كمل جميلك وحطه بالسفره
وليد: ويبقق عيونه : يالله روحي لا اكسر راسك
انا: واسوي نفسي ابكي: انت محد يضحك معااك
وليد: وينفخ صدره ..انا حمش نيهااهااهااي يالله بلا دلع روحي حط العشاا
انا: انزين ياسي سيد
وليد: ههههههههههههههههههههههههه
وعقبها رحت حطيت العشااء وتعشينا ونمنا عشان بكره السفر
...............................

وإنشاء الله بكمل التكمله في موضوع تابع له

10/02/11, 04:01 pm

واو تجنان فله القصه

20/02/11, 10:03 pm

يسلموووووووووو من ذوقك

ومشكورررررر على المرور الجميل :79: :79:

رواية الحظ المنسدح ............ رواية فكاهية ورومانسية الموضوع الثالث

رواية الحظ المنسدح ............ رواية فكاهية ورومانسية الموضوع الثالث

رد: رواية الحظ المنسدح ............ رواية فكاهية ورومانسية الموضوع الثالث

رد: رواية الحظ المنسدح ............ رواية فكاهية ورومانسية الموضوع الثالث